სასჯელაღსრულების სამინისტრო პენიტენციალურ სისტემაში რეფორმების გასატარებლად ემზადება. მინისტრის მოადგილის, კახი კახიშვილის განცხადებით, უწყების ხელმძღვანელი გიორგი მღებრიშვილი 28 ნოემბრის მთავრობის სხდომაზე კანონში შესატან ცვლილებათა პაკეტს გაიტანს, სადაც თავმოყრილი იქნება ის ცვლილებები, რომელიც პენიტენციალურ სისტემის ევროპულ დონემდე მიყვანისთვის არის საჭირო.

"9 წლის განმავლობაში იცით რა საკითხები უკავშირდებოდა ამ სამინისტროს. ბუნებრივია, რომ 2-3 თანამშრომლის გადაადგილებით იმ სისტემაში, სადაც მუშაობს 3400 თანამშრომელი შეუძლებელია პრობლემების გადაჭრა. ამიტომაც, 39 კანონში შესატანი ცვლილებების პაკეტი მომზადებულია და მინისტრი 28 ნოემბერს გაიტანს მთავრობის სხდომაზე. ეს პაკეტები იქნება საფუძველი იმ ძალიან სერიოზული სისტემური რეფორმების დაწყებისა, რაც ამ სისტემას დაუბრუნებს ჯანსაღ სახეს და მივიღებთ საბოლოოდ ევროპულ პენიტენციურ სისტემას", - განაცხადა სასჯელაღსრულების მინისტრის მოადგილემ.