სოხუმში ხმაურია - აფხაზების უხუცესთა საბჭო რუსეთთან ხელშეკრულებას აპროტესტებს

პოლიტიკა - 16:40, 20 Nov, 2014

4608

დღეს, დაახლოებით ერთი საათის წინ, სოხუმის დეფაქტო ხელისუფლების ადმინისტრაციასთან აფხაზების უხუცესთა საბჭო შეიკრიბა, მათ შორის იყვნენ ,,ამცხარას“ წევრები. ისინი პროტესტს გამოთქვამენ რუსეთთან სამეკავშირეო ხელშკრულებასთან დაკავშირებით დეფაქტო აფხაზეთის მიერ დღეს მიღებულ გადაწყვეტილებაზე. უხუცესთა საბჭო მომხრეა, რუსეთის მხრიდან ეკონომიური მხარდაჭერის, თუმცა აფხაზის ხალხის უფლებები, რაც აფხაზეთის დეფაქტო ხელისუფლებამ ხელშეკრულებაში ჩადო მათთვის კატეგორიულად მიუღებელია. კერძოდ, აფხაზებს ერთმევათ უფლება, რომ თვითონ აწარმოონ ბიუჯეტი, საბაჟო კონტროლი და ა.შ. ჯერ კიდევ წლების წინ იყო მსგავსი ხელშეკრულება რუსების მიერ შემოთავზებული, რაზეც მაშინდელმა დეფაქტო ლიდერმა სერგეი ბაღაფშმა უარი უთხრა. აფხაზთა უხუცესთა საბჭო მოითხოვს, რომ დღეს მიღებული ნაჩქარევი რეზოლუცია იქნეს მოსახლეობასთან შეთანხმებული. უხუცეთა საბჭო, რომელიც აფხაზთა სახალხო პარტიის ფუნქციას ატარებს და მათი სახელით იღებს გადაწყვეტილებებს, ულტიმატუმი წაუყენეს ხაჯიმბას მთავრობას და აცხადებენ რომ ხაჯიმბას ხელისუფლებამ ცალსახად არ უნდა მიღოს ეს რეზოლუცია. როგორც ნობილი ხდება, დაგეგმილი იყო უხუცეთა შეკრება, სადაც ხაჯიმბაც იყო მიწვეული, თუმცა მან მისვლაზე უარი განაცხად. შეკრება ხვალ 12 საათამდე არის გადადებული. უხუცესთა საბჭო და ,,ამცახარა“ ხაჯიმბას პრორუსულ პოლიტიკას უწუნებენ და ამბობენ, რომ ხელშეკრულებაში არ არის გათვალისწინებული აფხაზეთის სამომვალო განვითარება. უხუცესთა საბჭო ხელშეკრულების განხილვაში ჩართვას ითხოვდა, მაგრამ მათი წევრები არ იქნენ დაშვებული.