თავდაცვის ყოფილი მინისტრი ირაკლი ალასანია ბიძინა ივანიშვილთან შეხვედრის დეტალებზე საუბრობს. როგორც რადიო „თავისუფლებისთვის“ მიცემულ ინტერვიუში ალასანიამ განაცხადა, მასსა და ექსპრემიერს შორის არავითარ შეთანხმებას და ფარულ საუბრებს ადგილი არ ჰქონია.

"ბიძინა ივანიშვილს შალვა შავგულიძის მამის გასვენებაში შემთხვევით შევხვდი. მან მთხოვა, რომ კარგი იქნებოდა, გაგვესაუბრაო, რაზეც ბუნებრივია, დავთანხმდი. შეხვედრა იმავე საღამოს შედგა. მანამდე არ გვქონდა საშუალება, რომ ერთმანეთისთვის გაგვეცვალა ხედვა, თუ რატომ მივიდა ქვეყანა ასეთ ვითარებამდე. მინდა ხაზი გავუსვა, რომ არავითარ შეთანხმებას ან ფარულ საუბრებს ადგილი არ ჰქონია. უბრალოდ, კაცურად ვუთხარით ერთმანეთს სათქმელი და ვთქვით, რომ მთავარია, ამ პროცესებმა არ დააზიანოს სახელმწიფო“,-განაცხადა ალასანიამ.