საპარლამენტო უმრავლესობის წევრი სოსო ჯაჭვლიანი ემზარ კვიციანის მხარდამჭერ აქციას შეუერთდა. როგორც დეპუტატმა განაცხადა, კვიციანის მიმართ გამოტანილ განაჩენზე ბევრი კითხვა აქვს.

„ბაჩო ახალაიას და ვანო მერაბიშვილს 7 და 4 წელი პატიმრობა და ემზარ კვიციან 12 წელი? ეს ერთი კითხვა. მეორე, ირაკლი ოქრუაშვილი რამოდენიმეჯერ დაიბარეს სამართალდამცველებმა თუმცა არ გამოცხადდა. ის კანონზე მაღლა დგას, თავისუფლად რომ დასეირნობს?“, - განაცხადა ჯაჭვლიანმა.

თბილისში, პარლამენტის შენობის მიმდებარე ტეროტორიაზე ემზარ კვიციანის ოჯახის წევრები და ახლობლები საპროტესტო აქციას მართავენ. ისინი ზუგდიდის სასამართლოს განაჩენს აპროტესტებენ, რომლის მიხედვით კვიციანს 12 წლით თავისუფლების აღკვეთა შეეფარდა.