უზენაესი სასამართლოს თავმჯდომარის კოტე კუბლაშვილის თქმით, ფარული მოსმენების ე.წ. გასაღების თემა რთული საკითხია. მისი თქმით, რთულად წარმოსადგენია „გასაღების“ არსებობა სასამართლოს ხელში.

როგორც კუბლაშვილმა განმარტა, ამ საკითხზე მჯელობა გაიმართება და სწორედ ამის შემდეგ გახდება ცნობილი სასამართლოს პოზიცია.

„რთულად მესახება, რომ ადამიანი, რომელიც გასცემს ბრძანებას, რომ პროცესი იყოს განმახორციელებელი, სხვასთან ერთად აკონტროლებდეს ამ პროცესს. გაცემული ბრძანების შედეგად მიღებული მტკიცებულებები უკან უბრუნდება მოსამართლეს და ხელმეორედ უნდა განიხილოს სხდომის წარმართვის დროს. ამას ძალიან დიდი დაფიქრება სჭირდება და არა მხოლოდ მე, არამედ მთელი სასამართლო სისტემა, იუსტიციის უმაღლესი საბჭო ალბათ ვიმსჯელებთ ამაზე და დავაფიქსირებთ პოზიციას", - განაცხადა კუბლაშვილმა.