სახალხო დამცველმა ე.წ. კაბელების საქმეზე დაკავებულების ადვოკატების პოზიცია გაიზიარა.

დაცვის მხარის ადვოკატის სოსო ბარათაშვილის განცხადებით, ომბუდსმენთან თავდაცვის სამინისტროს დაკავებული თანამშრომლების მიმართ განხორციელებული ყველა სამართალდარღვევა განიხილა.

„პროკურატურა უარს ამბობს მასალების სრულად გადმოცემაზე. ეს არის საქართველოს სისხლის სამართლის პროცესის იმპერატიული მოთხოვნა. აღნიშნულთან დაკავშირებით ნანუაშვილი მომავალში რეკომენდაციას გასცემს. ომბუდსმენმა ჩვენი პოზიცია სრულად გაიზიარა“, - განაცხადა ბარათაშვილმა.

პროკურატურამ ე.წ. კაბელების საქმეზე დაკავებულების ადვოკატები სიცრუის ტირაჟირებაში დაადანაშაულა. მათი ინფორმაციით, ადვოკატებს საქმის მასალების გაცნობა შესთავაზეს, თუმცა მათ ამაზე უარი განაცხადეს.