სახელმწიფო აუდიტორი ლაშა თორდიას თქმით, მისი უწყება სპეციფიური და პოლიტიკურად ნეიტრალური სამსახურია. ამიტომ თორდია კიდევ ერთხელ წუხილს გამოთქვამს იმ შეფასების გამო, რაც დღეს მისი მისამართით გივი თარგამაძემ გააკეთა.

„ნამდვილად არ ვეხვეწები არავის მეგობრობას. ცუდია, როდესაც ინსტიტუციურ თემატიკასთან დაკავშირებული საკითხები პიროვნულ დონეზე დადის. აუდიტის სამსახური ნამდვილად ვერ დავა ჩემს კეთილგანწყობებზე ამ შემთხვევაში "ნაციონალური მოძრაობის" ან "ქართული ოცნების" მიმართ, რადგან ეს არის სპეციფიური და პოლიტიკურად ნეიტრალური სამსახური. შეიძლება არც ერთ მხარეს არ მოსწონდეს აუდიტის სამსახურის საქმიანობა, მაგრამ ეს სამსახური დამოუკიდებლობის პრინციპებზეა დაფუძვნებული. მე არ უნდა ვიყო პოლიტიკური პარტიის წევრი. სახელმწიფო აუდიტის სამსახური არ უნდა მოხვდეს არც ერთი პოლიტიკური ორგანიზაციის ზემოქმედების ქვეშ", - განაცხადა ლაშა თორდიამ.