სახელმწიფო აუდიტორი ლაშა თორდია გივი თარგამაძის განცხადებას ეხმაურება, სადაც დეპუტატი ამბობს, რომ თორდია ივანიშვილის დაკვეთებს ასრულებს.

მთავარმა აუდიტომა თარგამაძის განცხადებას იაფფასიანი უწოდა.

„საზოგადოების მომავალი აჩვენებს, ვასრულებ თუ არა ვინმეს დაკვეთას“, - განაცხადა თორდიამ.

მისი თქმით, სახელმწიფო აუდიტორს ხელისუფლება არ ნიშნავს და აღქმა, რომ ის „ქართული ოცნების“ მხარეს წარმოადგენს არასწორია.

„რატომღაც აღქმული ვარ "ოცნების" მხარედ, "ოცნების" პარტიის მხრიდან კი - "ნაციონალების მხარედ". არ ვაპირებ პოლემიკაში შესვლას. სიმართლეს მხოლოდ საქმით დავამტკიცებ. არ ვაპირებ იაფფსაიან შეფასებებზე კომენტარის გაკეთებას", - განაცხადა თორდიამ.

"ნაციონალური მოძრაობის" წევრმა გივი თარგამაძემ ნდობის ჯგუფის შეხვედრის დაწყებამდე განაცხადა, რომ ლაშა თორდია ბიძინა ივანიშვილის დაკვეთებს ასრულებს.