„ნაციონალური მოძრაობის“ წევრმა გივი თარგამაძემ პროტესტის ნიშნად ნდობის ჯგუფის სხდომა დატოვა.

ამის მიზეზად დეპუტატმა განმარტა, რომ ის სხდომაში მონაწილეობას საჭიროდ არ თვლის, რადგან აუდიტის უწყება არაობიექტურად მუშაობს.

„სხდომაზე შევთანხმდით მუშაობის პრინციპებზე და თუ ეს პრინციპი დაცული იქნება, მე ნდობის ჯგუფში მონაწილეობას გავაგრძელებ. თუ არ იქნება დაცული, მაშინ ამ ჯგუფის მუშაობას აზრი არ აქვს. ამ შემთხვევაში მე მოვითხოვ, გადამიყვანონ იმ მთავარ ნდობის ჯგუფში, საიდანაც იღებს ინფორმაციებს, ბიძინა ივანიშვილი. იქ ვიმუშავებდი უფრო პროდუქტიულად. იმედი მაქვს მომავალში ნდობის ჯგუფი პროდუქტიულად იმუშავებს და არა ისე როგორც პროკურატურის, აუდიტის სამსახურის ან საბოლოოდ ბიძინა ივანიშვილის დანამატი",-განაცხადა თარგამაძემ.