საქართველოს ექს-პრეზიდენტი მიხეილ სააკაშვილის ქუთაისის შემოვლითი გზის გახსნის ფაქტს ეხმაურება.

„როგორც იქნა გაუხსნიათ ქუთაისის შემოვლითი გზის 32 კმ. 2012 წლის ბოლოს ვერტმფრენით გადავუფრინე ამ გზის მშენებლობას და გრუნტის მოსამზადებელი სამუშაოები უკვე დასრულებული იყო. მაქსიმუმ 3 თვე ჭირდებოდა გზის საბოლოოდ გახსნას. ამ მთავრობამ კი, ეს 18 თვით დააყოვნა.

საქართველოს მთავრობას ვუსურვებ თუ მაინც და მაინც ტრაბახი უნდათ, იტრაბახონ არა “9 წლიანი პირსისხლიანი რეჟიმის”, არამედ საკუთარი მიღწევებით. მოვუწოდებ გაუბედონ ივანიშვილს, რომელმაც ჩემი და გიგის ჯინაზე დაბლოკა თბილისის შემოვლითი გზის გახსნა და აღიარონ, რომ ეს გზა დასრულებულია. მისი მეშვეობით თბილისი გათავისუფლდება საცობებისგან და ასობით ათასი თბილისელი შვებას იგრძნობს“, - წერს სააკაშვილი.

პრემიერმა დღეს ქუთაისის შემოვლითი გზის ჩქაროსნული ავტომაგისტრალის 32 კმ-იან გზა გახსნა.