საქართველოს ექს-პრეზიდენტი მიხეილ სააკაშვილი ეროვნული გმირის გიორგი ანწუხელიძის დედის გარდაცვალების ფაქტს სოციალურ ქსელში ეხმაურება.

„დღეს საქართველოს ეროვნული გმირის დედამ, ლილი ანწუხელიძემ დაგვტოვა.

მას ბევრჯერ შევხვედრივარ და ყოველ ჯერზე ვრწმუნდებოდი, რომ გმირები შემთხვევით ოჯახებში არ იბადებიან. საკუთარ პრობლემებზე არასდროს დაუჩივლია, სულ სხვა ადამიანების გასაჭირზე მესაუბრებოდა. თავშეკავებული და უზომოდ ღირსეული იყო თავისი შვილის გლოვაშიც კი. ძალზედ ამაყობდა გიორგით, მაგრამ ბევრს არც მასზე ლაპარაკობდა. ნამდვილი მეომრის დედა იყო ლამაზი თუშური სოფლიდან, ზუსტად ისეთი, როგორიც საუკუნეების განმავლობაში გადაარჩინეს საქართველო.

ქედს ვიხრი მისი ხსოვნის წინაშე და ყველა ნამდვილმა ქართველმა უნდა ვუთხრათ - მადლობა ლილი ყველაფრისათვის!“, - წერს სააკაშვილი.