საქართველოს ევროინტეგრაციის ყოფილი მინისტრი, ალექსი პეტრიაშვილი აცხადებს, რომ იგი ყოველთვის იყო მომხრე, სააკაშვილის, მერაბიშვილისა და უგულავას წინააღმდეგ წამოწყებული გამოძიებები დროზე დასრულებულიყო. ამის შესახებ პეტრიაშვილმა ტელეკომპანია „რუსთავი 2“-ის გადაცემა „რეაქციაში“ ისაუბრა:

„არცერთ შემთხვევაში მე არ დავუშვებ პარალელის გავლებას ირაკლი ალასანიასთან იმ რეჟიმის წარმომადგენლების, რომელთა მიმართებითაც ძალიან სერიოზული შეკითხვები არსებობს როგორც საზოგადოებაში, ისე საერთაშორისო თანამეგობრობაში. მძიმე შეკითხვებია სააკაშვილთან, მერაბიშვილთან, უგულავასთან მიმართებაში. მე მქონდა შეკითხვები პროკურატურასთან და სურვილი, რომ მართლაც გვევლო წინ, დროზე დაესრულებინათ და ამის მაგივრად საზოგადოება დღეს მაინც არის მუდმივ საგამოძიებო სერიაში. ნაცვლად იმისა, რომ ის დაესრულებინათ, ახლა რეალურად იქცნენ ახალ პოლიტიკურ დუელში ირაკლი ალასანიასთან“, - განაცხადა ალექსი პეტრიაშვილმა.