ალასანიას ,,შფოთვას“ რომ ვუყურებ, 2013 წლეს ტორტის ნაჭრებზე დაკითხვა მახსენდება

ალასანიას ,,შფოთვას“ რომ ვუყურებ, 2013 წლეს ტორტის ნაჭრებზე დაკითხვა მახსენდება - დიმიტრი შაშკინი

სოც.მედია - 20:44, 18 Nov, 2014

1447

,,ახლა რომ ვუყურებ როგორ "შფოთავს" ალასანია და პროკურატურას ბოლო გაფრთხილებებს აძლევს, სულ მახსენდება 2013 წლის გაზაფხული. თავდაცვის სამინისტროს გენერალური ინსპექცია, რომელიც უშუალოდ მინისტრ ალასანიას დაქვემდებარებაში იყო, ატარებდა დაკითხვებს სამინისტროში და აინტერესებდა 2012 წლის აგვისტოში, როდესაც სამინისტრომ გაუმასპინძლდა ომში დაღუპული გმირების შვილებს, რამდენ ნაჭრიანი იყო ტორტი, ხომ არ აღემატებოდა ტორტის ნაჭრების რაოდენობა ბავშვთა რაოდენობას და ხომ არ აუტანიათ რამე შაშკინის კაბინეტში იმ დღეს. მანამდე აწვალებდნენ ხალხს, სანამ ჩემი პირადი დაცვის ყოფილ წევრს არ “ამოასხა” და არ უთხრა: “რას თხრით, რომ თხრით? შაშკინს დიაბეტი აქვს და ტკბილეულს საერთოდ ვერ ჭამს“.

ბუნებრივია, მაშინ ალასანიას შფოთვის საბაბი არ ჰქონდა.

ერთი თვის წინ, ერთმა მოსწავლემ მომწერა fb-ზე და შემახსენა, რომ მე მას, როგორც წარჩინებულ მოსწავლეს, კომპიუტერი ვაჩუქე. მერე მომიყვა, რომ ბოლო ერთი წლის განმავლობაში ექვსჯერ დაურეკეს განათლების სამინისტროდან და ჰკითხეს, მართლა შაშკინმა კომპიუტერი გაჩუქა? სანამ თბილისში არ ჩამოვიდა და სამინისტროში არ მიიტანა ლეპტოპი არ შეეშვნენ.

ნორმალური ადამიანის თავში როგორ უნდა დაიბადოს ამგვარი მარაზმი? მაგრამ, უბედურება არის ის, რომ ასეთი ბრალდებები და ეჭვები ვიღაცის თავში ხომ იბადება. ეს ხომ ნიშნავს, რომ ამის მკადრებელი ადამიანები უშვებენ ასეთი შემთხვევების შესაძლებლობას და ფიქრობენ ასეთ სქემებზე…“, - წერს შაშკინი.