საქართველოს პრეზიდენტი გიორგი მარგველაშვილი ბრიუსელში ირაკლი ღარიბაშვილის ვიზიტს აფასებს. პრეზიდენტის განცხადებით, მისთვის სასიხარულოა ის ფაქტი, რომ პრემიერის ვიზიტით ბრიუსელში მნიშვნელოვანი ნაბიჯები გადაიდგა როგორც ქვეყნის ევროპული, ასევე ევროატლანტიკური ინტეგრაციის კუთხით.

რაც შეეხება გაჟღერებულ ინფორმაციას, ნატო-ს საწვრთნელი ბაზის საქართველოში გახსნასთან დაკავშირებით, მარგველაშვილმა განაცხადა, რომ ეს ყოველივე უელსში მიღებული პაკეტით გათვალისწინებული პროექტია:

"ეს პროექტი ძალიან მნიშვნელოვანია და მნიშვნელოვანია, რომ ამას ჰქონდეს დიდი მხარდაჭერა. ბუნებრივია, ჩვენ ამის სერიზულ მხარდაჭერას უზრუნველვყოფთ", - განაცხადა პრეზიდენტმა.