პარლამენტის განათლებისა და მეცნიერების კომიტეტზე დეპუტატები სახელმწიფო ჰიმნის შესრულების დროს ქუდის მოხდის საკითხს განიხილავენ. სხდომაზე აღნიშნული საკითხის განხილვას აზრთა სხვადასხვაობა მოჰყვა.

უმრავლესობის წევრის დავით ჯაფარიძის თქმით, პატივი უნდა ვცეთ იმ ტრადიციებს „რაც მოგვდგამს“.

„როდესაც შედიხარ ეკლესიაში, ქუდს ხომ იხდი? როდესაც მიცვალებულს ჩაუვლიან, ქუდს ხომ იხდიან? თუ გინახავთ საქართველოში მაგიდის თავზე მჯდომი კაცი, პანაშვიდზე შევიდეს და ქუდი არ მოიხადოს“, - განაცხადა ჯაფარიძემ.

შეგახსენებთ, სახელმწიფო ჰიმნის ოფიციალური შესრულების წესი პრეზიდენტის ბრძანებულებით რეგულირდებოდა, ახლა კი ეს საკითხი პარლამენტის დადგენილებით უნდა მოწესრიგდეს.