უზენაესი სასამართლოს თავმჯდომარე კოტე კუბლაშვილი რამდენიმე დღის წინ ალექსი პეტრიაშვილის მიერ სოციალურ ქსელში გაკეთებულ განცხადებას ეხმაურება.

კუბლაშვილის თქმით, მან არ იცის რას გულისხმობდა ალექსი პეტრიაშვილი.

"მე, არ ვიცი, ვერ გეტყვით, ეს ალექსი პეტრიაშვილს უნდა ჰკითხოთ, თუ რას გულისხმობდა. მე მასთან საერთოდ არასდროს მქონია ურთიეთობა გარდა იმისა, რომ საერთაშორისო კონფერენციაზე შევხვდი ერთხელ. ეს იყო და ეს. ასე, რომ რა იდო მის სიტყვებში მან უკეთ იცის", - განაცხადა კონსტანტინე კუბლაშვილმა.

რამდენიმე დღის წინ პეტრიაშვილმა „ფეისბუქის“ საკუთარ გვერდზე შემდეგი სახის პოსტი დაწერა:"ეგრე გააგრძელეთ, ბატონო პრემიერ-მინისტრო და ბოლოს და ბოლოს გაიგებს ალბათ საერთაშორისო თანამეგობრობა, ვინ იძალადა უზენაესი სასამართლოს თავმჯდომარეზე".