უზენაესი სასამართლოს თავმჯდომარე ემზარ კვიციანის განაჩენის შემდეგ ოჯახის პრეტენზიებს ეხმაურება. კოტე კუბლაშვილის თქმით, კვიციანის ოჯახს უფლება აქვს სასამართლოს გადაწყვეტილება სააპელაციო წესით გაასაჩივროს.

„მათი უფლებაა, რომ ვთქვათ, ჰქონდეთ პრეტენზია და ასევე, მათი უფლებაა, რომ თუ უკმაყოფილონი არიან, გააგრძელონ განხილვა სასამართლოში იმ კუთხით, რომ გაასაჩივრონ ეს გადაწყვეტილება სააპელაციო სასამართლოში. შემდეგ, თუ კიდევ უკმაყოფილონი იქნებიან, უზენაეს სასამართლოში გაასაჩივრონ. სამივე ინსტანცია ობიექტურად და ყურადღებით განიხილავს ნებისმიერ საქმეს, მათ შორის ამასაც“, - განაცხადა კუბლაშვილმა.

ზუგდიდის რაიონულმა სასამართლომ ემზარ კვიციანს თავისუფლების 12 წლით აღკვეთა გუშინ შეეფარდა.