ბრიუსელში საქართველოს პრემიერ-მინისტრისა და ნატო-ს გენერალური მდივნის შეხვედრებს ნიდერლანდებიდან პარლამენტის თავმჯდომარე დავით უსუფაშვილი გამოეხმაურა.

მისი თქმით, მნიშვნელოვანია, რომ დასავლეთმა საქართველოს ევროატლანტიკურ კურსთან დაკავშირებით არსებულ კითხვებზე ზუსტი პასუხი მიიღოს.

„ეს შეხვედრა მნიშვნელოვანია რადგან, ის შედგა საქართველოში ბოლო ორი კვირის განმავლობაში განვითარებული, ევროპელებისთვის ცოტა არ იყოს გაუგებარი ამბების შემდეგ. მეც მქონდა ამაზე კითხვები ჩემი კოლეგისგან, რა მოხდა, რატომ მოხდა და ა.შ. ახალი მინისტრების ბრიუსელში ჩასვლა და მათი უშუალო მონაწილეობა ამ პროცესში არის გადამწყვეტი ფაქტორი და მე დარწმუნებული ვარ, ჩვენი კოლეგები ევროკავშირიდან დაინახავენ, რომ არანაირი საფუძველი იმაზე სასაუბროდ, რომ ქვეყანა კურსს იცვლის, არ არსებობს“, - განაცხადა დავით უსუფაშვილმა.