საქართველოს პრემიერ მინისტრი NATO-ს გენერალურ მდივან იენს სტოლტენბერგს შეხვდა, მხარეებმა შეხვედრის დასრულების შემდეგ ერთობლივი პრესკონფერენცია გამართეს.

ნატოს გენერალური მდივნის განცხადებით საქართველო ნატოს ერთ-ერთი ყველაზე მნიშვნელოვანი პარტნიორია, ასევე იენს სტოლტერბერგმა ისაუბრა საქართველოში ნატოს საწვრთნელი ცენტრის განთავსების საკითხზეც:

"საქართველო ნატოს ერთ-ერთი ყველაზე ერთგული პარტნიორია და საკმაოდ მნიშვნელოვან როლს ასრულებს ჩვენს ოპერაციებში, განსაკუთრებით ავღანეთში, ის ერთერთი დიდი კონტრიბუტორია რასაც დიდი მნიშვნელობა აქვს.

წინა სამიტი ძალიან მნიშვნელოვანი იყო, რადგან ჩვენ შევათანხმეთ გაძლიერებული პაკეტი, რომლიც გულისხმობს თავდაცვის სფეროს გაძლიერებას, რომელიც დაეხმარება საქართველოს დაუახლოვდეს ნატოში გაწევრიანებას, ძალიან ბევრი ინიციატივას ქონდა ადგილი და დღეს ჩვენ ვფიქრობთ რომ შესაძლებელია ამ ინიციატივების განხორციელება.

საქართველოში დაიწყება თავდაცვის სფეროში სწავლებები, რომელიც გულისხმობს ნატო-საქართველოს საწვრთნელი ცენტრის არსებობას, რომელიც დაეხმარება საქართველოს მომავალში.

ჩვენ მხარდაჭერას გიცხადებთ დემოკრატიული რეფორმების განხორციელებაში, რომელიც ასევე გულისხმობს კანონის უზენაესობის დაცვასა და სასამართლო სისტემის დამოუკიდებლობას.

ქართველმა ხალხმა მკაფიო არჩევანი გააკეთა ევროინტეგრაციის მხრივ და გასული წლის განმავლობაში დაუახლოვდა ნატოს, ბუქარესტის სამიტზე დავადასტურეთ, რომ საქართველო აუცილებლად გახდება ნატოს წევრი მაშინ როცა ის აუცილებელ კრიტერიუმებს შეასრულებს. "- განაცხადა ნატოს გენერალურმა მდივანმა.