„თავისუფალი დემოკრატების“ ერთერთი ლიდერი, ზურაბ აბაშიძე თავდაცვის სამინისტროში მიმდინარე მოვლენებს კიდევ ერთხელ აფასებს. მისი თქმით, არსებული მოვლენები კოლეგიალურ დონეზე უნდა გადაწყვეტილიყო:

„ჩვენ არასდროს გვითქვამს, რომ რაიმე გამოძიება არ ჩატარდეს და რაიმე საკითხი გაირკვეს. ყოველთვის ამის მომხრე ვიყავით, უბრალოდ ეს კოლეგიალურ დონეზე უნდა გადაწყვეტილიყო. ერთმანეთის მიმართ ნდობის გამოხატულებით და პარტნიორული დამოკიდებულებით უნდა მომხდარიყო, რაც სამწუხაროდ ვერ დავინახეთ“, - აცხადებს ზურაბ აბაშიძე.