„საქართველოს მთავრობის მიერ გაკეთებული განცხადებები, რომ ქვეყნის ევროატლანტიკური გზა გაგრძელდება, საქმით უნდა დამტკიცდეს“, - ამის შესახებ ლიტვის საგარეო საქმეთა მინისტრმა ლინას ლინკიავიჩუსმა განაცხადა.

იგი იმედოვნებს, რომ ბრიუსელში მყოფი ირაკლი ღარიბაშვილი ამ კურსის უცვლელობაში ევროპის დარწმუნებას შეძლებს.

„დაინიშნენ ახალი მინისტრები და პრემიერს აქვს კარგი შანსი, რომ ეს გზავნილები გადმოგვცეს. ძალიან მნიშვნელოვანია ის რაც საქართველოში ხდება, რადგან ახლა გადამწყვეტი პერიოდია. ასევე დიდი მნიშვნელობა აქვს ქვეყნის შიგნით ძალების კონსოლიდაციას. ყოველთვის არ ჩანან იდეალური პარტნიორები, მაგრამ ზოგჯერ შენს ირგვლივ იდეალური მტრები ჩნდებიან, ამიტომ უნდა მიიღო გადაწყვეტილება“, - განაცხადა ლინას ლინკიავიჩუსმა „რუსთავი 2“-თან საუბრისას.