„თავისუფალი დემოკრატების“ ერთ-ერთი ლიდერი ალექსი პეტრიაშვილი აუდიტის დასკვნას თავდაცვის სამინისტროში ახალი დარღვევების აღმოჩენის შესახებ ირაკლი ალასანიას წინააღმდეგ აგორებულ კამპანიად აფასებს.

„ეს არის გაგრძელება იმ ისტორიის, რაც კაბელების საქმით დაიწყო და რომელსაც ექიმების საქმე მოჰყვა. ეხლა საუბარია საბურავებზე და აკუმლატორებზე. ასევე მოსალოდნელია შაბიამანის პარტიის შესყიდვაზე სერიოზული მასალები. ეს იმ ტიპის საქმეებია, რომელიც მართლაც ყველა კითხვას პასუხს სცემს. ეს არის ირაკლი ალასანიას და მისი გუნდის გააქტიურების წინააღმდეგ აგორებული კამპანია“,- აცხადებს პეტრიაშვილი.

სახელმწიფო აუდიტის სამსახურმა დარღვევები თავდაცვის სამინისტროს სამხედრო სამეცნიერო-ტექნიკურ ცენტრ "დელტაშიც" გამოავლინა. არ არის გამორიცხული, კიდევ ერთი სკანდალური საქმე აღმოჩნდეს სამხედრო უწყების მიერ საბურავების, აკუმულატორებისა და სათადარიგო ნაწილების შესყიდვა.