კინორეჟისორი და ყოფილი სახელმწიფო მინისტრი კონფლიქტების მოგვარების საკითხში გოგა ხაინდრავა „ასავალ-დასავალთან“ საუბარში აცხადებს, რომ თავდაცვის მინისტრის გადაყენებით ირაკლი ღარიბაშვილმა სწორი გადაწყვეტილება მიიღო:

„ღარიბაშვილმა აბსოლუტურად სწორი გადაწყვეტილება მიიღო! ალასანიამ თავად არ დატოვა არანაირი გზა და შესაძლებლობა , რომ ეს კონფლიქტი მოგვარებულიყო!

საერთოდ მე თუ მკითხავთ ალასანია ჯერ კიდევ მაშინ იყო მოსახსნელი. როცა იგი საქართველოში რაკეტ-საწინააღმდეგო კომპლექსების განლაგებასა და სირიელი მეამბოხეების საწვრთნელი ბაზების გახსნაზე ალაპარაკდა.

ალასანიას ბოლონდროინდელი განცხადებებით და ქმედებებით თუ ვიმსჯელებთ იგი საქართველოს თავდაცვის მინისტრი კი არა , საქართველოზე თავდასხმის მინისტრი იყო, ისეთ საფრთხეებს ქმნიდა! ასეთი ფიგურის პოსტზე დატოვება ნამდვილად არ შეიძლებოდა.“- აცხადებს გოგა ხაინდრავა.

წყარო "ასავალ-დასავალი"