მსოფლიო ლიდერები რუსეთის ფედერაციას დამატებითი სანქციების შემოღების შესახებ აფრთხილებენ. დიდი ოცეულის სამიტზე მწვავე კრიტიკის გამო საერთაშორისო ღონისძიება ვლადიმერ პუტინმა დროზე ადრე დატოვა.

"რუსეთი არღვევს მეზობელი ქვეყნის, უკრაინის ტერიტორიულ მთლიანობასა და სუვერენიტეტს. ორი მსოფლიო და ცივი ომის დასრულების შემდეგ ევროპის მშვიდობა და წესრიგი კვლავ კითხვის ნიშნის ქვეშ დადგა. რუსეთი ამ დრომდე აგრძელებს საკუთარი გავლენის გამოყენებას და ვითარების დესტაბილიზაციას უკრაინის აღმოსავლეთ რეგიონებში. ამიტომ ჩვენ იქამდე გავაგრძელებთ მოსკოვის წინააღმდეგ სანქციების დაწესებას, ვიდრე ეს საჭირო იქნება”, - განაცხადა გერმანიის კანცლერმა.