თავისუფალმა სტუდენტებმა სანთელი აუნთეს არა მდიდარ ბენდუქიძეს, არამედ აღმზრდელს, კახა ბენდუქიძეს

სოც.მედია - 19:11, 16 Nov, 2014

3897

,,საოცარია, ადამიანს საერთოდ არ ვიცნობდი, თუმცა ლოგიკას თუ მივყვებით, მის შესახებ იმდენი ნეგატივი, ლანძღვა და კონფლიქტური სიტუაცია მახსენდება, ალბათ ამ ტრაგიკული ინფორმაციის გაგებისას, შესაძლოა ვიღაცას მთლად ადეკვატურად არ ჩაეთვალა ჩემი რეაქცია, არადა უკიდურესად განვიცადე ამ უდაოდ ნიჭიერი, ჭკვიანი, განათლებული, პროგრესისტის ამ ქვეყნიდან წასვლა. კიდევ ერთი საოცრება ახლდა ამ ცუდ ამბავს, ის რომ არ ვიცვლებით და ეს ჩვენი ხალხის დამახასიათებელი თვისებაა. ადამიანი რომელიც თავისი თავისუფალი აზროვნებისა და პროგრესისტობის გამო საზოგადოებასთან კონფლიქტში იყო შესული, მისი გარდაცვალება სწორედ ამ საზოგადოებამ გულწრფელი გულისტკივილით მიიღო და ბოლოს კიდევ ერთი საოცარება, ეს ,,უგულო" ადამიანი სწორედ, რომ დიდი გულის პატრონი აღმოჩნდა და ამის უპირობო არგუმენტი სწორედ მისი გულის გასკდომაა, დღევანდელობის ანუ დროების გათვალისწინებით. ღმერთმა აცხონოს კახა ბენდუქიძე, ჭეშმარიტად თავისუფალი აზროვნების ადამიანი, რომელმაც ყველაზე დიდი კაპიტალი ახალ თაობაში, უფრო ზუსტად თავისუფალ ახალ თაობაში ჩადო, ძალიან შორს ვარ თბილისიდან მაგრამ, აღფრთოვანებული დავრჩი, როცა გავიგე, რომ წუხელ თბილისში თავისუფალ უნივერსიტეტში უამრავი თავისუფალი სტუდენტი შეიკრიბა და სანთლები აუნთეს არა მდიდარ ბენდუქიძეს არამედ მათ აღმზრდელს და მასწავლებელს კახა ბენდუქიძეს“, - წერს ბაჩუკი ქარდავა.