„არა ანექსიას!“ ამ ლოზუნგის ფარგლებში რუსთაველის გამზირზე მიმდინარე აქციას „აფხაზთა კრების“ წარმომადგენლები შეუერთდნენ.

მალხაზ პატარაიამ აქციის მონაწილეებს აფხაზთა კრების რეზოლუცია გააცნო.

„კრება მოითხოვს, აღიაროს მთავრობამ, რომ მცდარია კონსტრუქციული დიალოგი რუსეთთან; ასევე თქვას მთავრობამ, რომ ჩვენი უცვლელი კურსია ნატო და ევროკავშირი; უნდა შეწყდეს რუსეთთან დიალოგი. კერძოდ, უნდა გაუქმდეს აბაშიძე-კარასინის მოლაპრაკებები; ასევე, გადადგეს პაატა ზაქარეიშვილი; ჩატარდეს აფხაზეთის მთავრობის ახალი არჩევნები და შეწყდეს პოლიტიკური დევნა,“ - ნათქვამია „აფხაზთა კრების“ რეზოლუციაში.

რეზოლუციას „ნაციონალური მოძრაობა“ და რუსთაველის გამზირზე მყოფი აქციის მონაწილეები შეუერთდნენ.