მე არავითარი ვალდებულება არავის მიმართ არ მაქვს, არც ივანიშვილის მიმართ- ალასანია

პოლიტიკა - 22:23, 14 Nov, 2014

2073

„მე არავითარი ვალდებულება არავის მიმართ არ მაქვს, არც ივანიშვილის მიმართ- განაცხადა თავდაცვის ყოფილმა მინისტრმა ირაკლი ალასანიამ ინგა გრიგოლიასთან "რეაქციის" ეთერში
"ქვეყანაში რაც არ უნდა დიდი წვლილი გქონდეს შეტანილი გარკვეულ საკითხებში. მთავარი ამოცანა ინსტიტუტების გაძლიერებაა და ამაზე დღეს პრეზიდენტმა ისაუბრა. იმისთვის, რისთვისაც ჩვენ ამ ბრძოლაში შევედით ერთ-ერთ მთავარ ამოცანას წარმოადგენდა ის, რომ პოლიტიკისგან გავმიჯნოთ უშიშროება და გავმიჯნოთ სახელმწიფო ინსტიტუტები. ამიტომ, ჩვენ ძალიან უკომპრომისო ოპოზიცია ვიქნებით, გვსურს ჩავაბაროთ წარსულს პოლიტიკა, როდესაც შენი ოპონენტი შენი მტერია და ტალახი უნდა ესროლო. ეს საზოგადოებას ამოუვიდა ყელში."- აღნიშნა ალასანიამ
ალასანიას თქმით იყო ვარაუდი, რომ ალასანია დავით კირვალიძის ანალოგიურ ნაბიჯს გადადგამდა და გადადგებოდა, თუმცა "თავისუფალი დემოკრატების" ლიდერი აცხადებს, რომ ეს ბრძოლიდან გასვლა იქნებოდა:
"მე არ მჩვევია ბრძოლიდან გასვლა არასდროს და არაფერშიც. ვარაუდი იყო ალბათ ისიც, რომ მე ანალოგიურ ნაბიჯს გადავდგამდი, როგორიც გადადგა დავით კირვალიძემ. მაგრამ ესეც არასწორი ნაბიჯი ჩავთვალე, ეს იქნებოდა ბრძოლიდან გასვლა. დაინახეს, რომ ღირებულებების ირგვლივ შეკრული ძალა არ დაიშალა და კიდევ უფრო შეიკრა“, - განაცხადა ირაკლი ალასანიამ.