პროექტი დამოუკიდებელი დეპუტატის ალეკო ელისაშვილის მიერაა ინიცირებული და ის საკრებულოში პერსონალური მანქანებით მომსახურებაზე უარის თქმას და საერთო მომსახურების ავტოპარკზე გადასვლას ითვალისწინებს.

პროექტის ინიციატორის თქმით, ცვლილება ბიუჯეტში მნიშვნელოვან თანხას დაზოგავს. იურიდიული კომისიის უარყოფითი დასკვნის მიუხედავად, ინიციატივა საკრებულოს სხდომაზე კენჭისყრაზე გავა.

„ვფიქრობ ეს ყველაფერი იყო, უფრო პოპულისტური, ვიდრე საქმიანი- განაცხადა საკრებულოს იურიდიული კომისიის თავმჯდომარე თედო კობახიძემ. კობახიძის თქმით, საკრებულოს წევრებს ჭირდებათ გადაადგილება და მოსახლეობასთან შეხვედრა. რისთვისაც პერსონალური მანქანებს იყენებენ.

ალეკო ელისაშვილი აცხადებს, რომ „ ფუფუნება და კომფორტი, არ ეთმობა არც ერთ ჩინოვნიკს, ამაშია საქმე, ძალიან მარტივად, არ მომწონდა არც შევარდნაძის დროს რომ საჯარო მოხელეები კომფორტს იწყობდნენ, არ მომწონდა სააკაშვილის დროს, რომ თანამდებობის პირებს საკუთარი კომფორტისთვის არაფერი ენანებოდათ და არ მომწონს „ქართული ოცნების“ ჩინოვნიკებს რომ არაფერი ენენებათ თავისი კომფორტისთვის. ევროპაში და,ზოგაგად, დასავლეთში, სადაც ჩვენ მივდივართ, ასეთ რამეებზე უარი თქვეს. აი, ამას გთავაზობთ, რომ ჩვენ, თბილისის საკრებულოს წევრები, ვიყოთ სხვებისთვის მაგალითის მიმცემი, რადაგანაც ამ მაგალითის დრო არა და არ დადგა ჩვენს ქვეყანაში“.