იურისტი ვალერი გელბახიანი პრეზიდენტის და ყოფილი თავდაცვის მინისტრის შეხვედრას იმის დემონსტრირებად მიიჩნევს , რომ პრეზიდენტსა და ირაკლი ალასანიას შორის ინტერესების თანხვედრაა.

„შეხვედრის მეორე დანიშნულება იყო ის, რომ თუ ღარიბაშვილს არა აქვს იმის უნარი, იკონტაქტოს მოქმედ პრეზიდენტთან, აგერ ბატონო ოპოზიციის ლიდერი ახერხებს და ხვდება პრეზიდენტს, მაშასადამე პრეზიდენტის ბრალი არ ყოფილა , კომუნიკაციის არარსებობა. კონტექსტი არის შემდეგი. გამოჩნდეს , რომ პრეზიდენტი კარგი ტიპია და თურმე ღარიბაშვილი ყოფილა ერთადერთი, ვინც ქმნის პრობლემებს.

ნუ გამოვრიცხავთ , რომ პრეზიდენტის აზრთა თანხვედრა მოხდეს სხვა საპარლამენტო პოლიტიკურ ძალებთან. კოალიციის წამყვანი ძალა „რესპუბლიკელები“ არ ამბობენ, რომ ისინი არიან „ოცნების“ პარტნიორები, არამედ ღიად აცხადებენ, რომ არიან ალასანიას პარტნიორები და მოკავშირეები. ხომ არის პარადოქსი, რომ ქვეყნის ბედი დამოკიდებულია „რესპუბლიკელების“ პოზიციაზე, ასევე პარადოქსია, რომ კოალიცია „ქართულმა ოცნებამ“ უმრავლესობა „ნავიონალი“ მაჟორიტარების ხარჯზე შეინარჩუნა.“- აცხადებს ვალერი გელბახიანი.

ყოფილი პარლამენტარი მომავალი წლის დასაწყისიდან მთავრობის შემადგენლობაში ცვლილებებს პროგნოზირებს, მათ შორის პრემიერ მინისტრის შეცვლასაც.

„2015 წლის თებერვლიდან ჩვებ სრულიად სხვა პოლიტიკური სცენარი გვექნება. პროცესი ასე დაიწყება . სანამ პარლამენტში პოლიტიკური სიტუაციის მიხედვით დაიწყება გადაწყობა. მანამდე მთავრობაზე იქნება ბევრი საკითხის გადაბრალება და აუცილებლად დადგება პასუხისმგებლობის საკითხი რიგი მინისტრების მიმართ , რომლების დაკისრებულ მოვალეობას თავს ვერ ართმევენ, მათ შორის პირველი დადგება მთავარი პროკურორისა და პროკურატურის საკითხი. თქვენ რა გგონიათ, ივანიშვილი ამათ ქვეყანას დაანგრევინებს და არევ-დარევს ვითარებას? გამოსავალს ივანიშვილი სწორედ იმაში დაინახავს, რომ ღარიბაშვილი შეცვალოს სხვა ფიგურით.“- აღნიშნავს გელბახიანი.

წყარო გაზეთი "ალია"