პარლამენტის ვიცესპიკერმა, მანანა კობახიძემ პრეზიდენტის გამოსვლის შემდეგ გიორგი მარგველაშვილის მოხსენება შეაფასა. როგორც დეპუტატმა აღნიშნა, რომ მარგველაშვილს გამოსვლაში მნიშვნელოვანი აქცენტები ჰქონდა გაკეთებული ქვეყნის ინსტიტუტების გაძლიერებასა და ასოცირების ხელშეკრულების ფარგლებში საქართველოს მიერ აღებულ ვალდებულებებზე.

„ძალიან მნიშვნელოვანი აქცენტები იყო გაკეთებული მოზსენებაში, რა თქმა უნდა არის საკითხები რომლებსაც, შეიძლება, ბოლომდე არ ვიზიარებთ, მაგრამ ძირითად თემებზე გვაქვს ერთიანი მოსაზრება, იმასთან მიმართებაში, რომ ინსტიტუტები უნდა იყოს ძლიერი, ადამიანის უფლებები უნდა იყოს დაცული. მნიშვნელოვანი აქცენტები იყო იმ ვალდებულებებზე რაც ქვეყანას აღებული აქვს ასოცირების ხელშეკრულებიდან გამომდინარე.“- განაცხადა კობახიძემ.