საპარლამენტო უმრავლესობის წევრი, თინა ხიდაშელი საქართველოს პრეზიდენტის სიტყვით გამოსვლას აფასებს. ხიდაშელმა ის საკითხები აღნიშნა, რომელსაც იგი ეთანხმება ან არ ეთანხმება:

„ცოტა გავბრაზდი, როდესაც მან დათო კირვალიძე მოიხსენია ისე, როგორც მოიხსენია, რომ ეს არ არის სწორი, როდესაც ამბობ, არ ამბობ უბრალოდ სიმართლეს. დათო კირვალიძე არ ყოფილა ეჭვმიტანილი და ბრალდებული კორუფციაში. საერთოდ ვიზიარებ კონცეფციას რა თქმა უნდა იმის შესახებ, რომ ინსტიტუტები უნდა გაძლიერდეს ქვეყანაში და ყველა ინსტიტუტი საკუთარი უფლებამოსილების ფარგლებში უნდა მოქმედებდეს მაქსიმალური სიზუსტით და ურთიერთპატივისცემით. ისაუბრა იმაზე, რომ არ უნდა ხდებოდეს ცალკეული დებულებების დროში გადადება, რაც არ არის სწორი კონცეფცია, ბოდიშს ვიხდი პრეზიდენტთან და მის მრჩეველებთან, ეს არის ძალიან ჩვეულებრივი და ნორმალური კონცეფცია, კონკრეტულად რასაც გულისხმობდა, იქ მე მას ვეთანხმები“, - განაცხადა თინა ხიდაშელმა.