საქართველოს პრეზიდენტი გიორგი მარგველაშვილი ოპოზიციასთან სასაუბროდ მზადყოფნას გამოთქვამს.

„მე ვხვდები ყველა პოლიტიკურ პარტიას, პარტიათა სიძლიერე და პარტიების სიძლიერე საქართველოში ჩემთვის მნიშვნელოვანია, თუ ოპოზიციას უნდა ჩემთან საუბარი პრეზიდენტის კარი ღიაა მათთან სასაუბროდ.“- განაცხადა გიორგი მარგველაშვილმა პარლამენტში სიტყვის გამოსვლის დასრულების შემდეგ ჟურნალისტებთან.

ჟურნალისტის კითხვაზე, მიესალმა თუ არა ის დარბაზში შესვლისას „ნაციონალური მოძრაობის“ დეპუტატებს, პრეზიდენტმა განაცხადა :

„მივესალმე უმცირესობის წევრებსაც, შეიძლება ხელი არ ჩამომირთმევია, მივესალმე აქეთაც და იქეთაც, სად სხედან უმცირესობა და უმრავლესობა ცოტა ძნელი გასარჩევია.“