„კახა ბენდუქიძემ საქართველოს მომავალში საშვილიშვილო ინვესტიცია ჩადო. ქვეყანამ დიდი მოაზროვნე და პატრიოტი დაკარგა“,- ასე გაოეხმაურა კახა ბენდუქიძის გარდაცვალებას, ამერიკის შეერთებული შტატების ელჩი. სამძიმრის წერილი საელჩოს ოფიციალურ ინტერნეტგვერდზეა განთავსებული.

"დაგვამწუხრა კახა ბენდუქიძის გარდაცვალებამ. მისი სახით საქართველომ დიდი მოაზროვნე და პატრიოტი დაკარგა. მთავრობაში მოღვაწეობითა და „ცოდნის ფონდის", თბილისის თავისუფალი უნივერსიტეტისა და საქართველოს აგრარული უნივერსიტეტის დაარსებით, კახა ბენდუქიძემ საქართველოს მომავალში საშვილიშვილო ინვესტიცია ჩადო. მსოფლიო დონის განათლებამ, რომელიც ხელმისაწვდომია მის უნივერსიტეტებში და მისმა პირადმა ღვაწლმა გააფართოვა ათასობით ქართველი სტუდენტის აკადემიური და პროფესიული ჰორიზონტი და უკვდავყო კახა ბენდუქიძის მსოფლმხედველობა მომავალ თაობებში. გულწრფელად ვუსამძიმრებთ მის ოჯახს, მეგობრებს, კოლეგებს და ყოფილ სტუდენტებს ამ მძიმე წუთებში" - ნათქვამია ნორლანდის განცხადებაში.