ტელეკომპანია „იმედისგან“ „ერთიანი ნაციონალური მოძრაობის“ წევრი, ეკა ხერხეულიძე, საჯარო ბოდიშის მოხდას ითხოვს. ამის შესახებ ხერხეულიძე სოციალურ ქსელში წერს:

"ამ გოგომ უზრდელობით ერთხელ უკვე დამამახსოვრა თავი, როდესაც ოპერატორს კადრი გაექცა და მიშასადმი გინება პირდაპირ ეთერში შემოგვთავაზა. მაშინ ვიფიქრე, რომ ერთი უტვინო არსებაა და რა გაეწყობათქო. დღეს თავად დამარწმუნა, რომ ბოროტიც ყოფილა. მოვითხოვ ტელეკომპანია "იმედის" ხელმძღვანელობისგან, რომ საჯარო ბოდიში მოგვიხადის იმ ათასობით გულნატკენ ადამიანს, ვისთვისაც ძვირფასი იყო კახა ბენდუქიძის სიცოცხლე!",- წერს ეკა ხერხეულიძე.