სახელმწიფო აუდიტის სამსახური დღეს პარლამენტის ნდობის ჯგუფს, თავდაცვის სამინისტროს მათ მიერ შესწავლილ დოკუმენტაციას გადაუგზავნის. რომელიც როგორც უწყებაში აცხადებენ, დანაშაულის ნიშნებს შეიცავს.

დოკუმენტში ბოლო სამი წლის გარკვეული პერიოდებია მიმოხილული. სხვა დეტალებს სახელმწიფო აუდიტის სამსახური არ აკონკრეტებს.

„მოწმდება 2011, 2012, 2013 წლის პერიოდები, შესაბამისად ის მასალები, რომლებიც ჩვენ ვთქვით, რომ შეიცავს დანაშაულის ნიშნებს, გადაეგზავნება საქართველოს პარლამენტის ნდობის ჯგუფს, შემდგომ ალბათ მოხდება მათი გაანალიზება, შემდგომ მათ შეუძლიათ გრიფით საიდუმლოს მოხსნის თხოვნით მიმართონ საქართველოს პრემიერმინისტს“, - განაცხადა ლაშა თორდიამ.