აფხაზეთის საოკუპაციო რეჟიმის მეთაური „რუსეთთან მოკავშრეობისა და ინტეგრაციის“ შეთანხმების გაფორმებას მხარს უჭერს. რაულ ხაჯიმბას განცხადებით ეს შეთანხმება აფხაზეთისათვის მნიშვნელოვანია და ეს არ გულისხმობს სუვერენიტეტის შემცირებას.

„რაც შეეხება ახალი ხელშეკრულების ხელმოწერას, ჩვენ ამ დოკუმენტს აუცილებლად გავაფორმებთ. ის სჭირდება პირველ რიგში აფხაზეთს. მასში არ არის საუბარი ჩვენი სუვერენიტეტის ლიმიტირებასა და დამოუკიდებლობის დაკარგვის საფრთხეებზე. საერთო ჯამში ყველაფერი დამოკიდებულია ჩვენზე, თუ როგორ დავალაგებთ ამ ურთიერთობებს“ - განაცხადა რაულ ხაჯიმბამ.