უმრავლესობის წევრი დავით საგანელიძე ალექსი პეტრიაშვილის განცხადებას ეხმაურება, სადაც ის „ღარიბაშვილის გუნდიდან ალასანიას პოლიტიკურ დევნაზე“ საუბრობს.

მისი თქმით, პეტრიაშვილის მწვავე განცხადებები მინისტრის პოსტის დატოვებას უკავშირდება.

„ალექსი პეტრიაშვილი გუშინწინ გახდა ოპოზიციონერი და მიაჩნია, რომ თავისი იდეები უნდა მიაწოდოს საზოგადოებას. დღეს გახდა თურმე "ნაციონალური ოცნება", რაც პეტრიაშვილი მინისტრი აღარ არის. მესმის, რომ ძნელია მინისტრის კაბინეტის დატოვება. ძალიან გაუჭირდა დღეს, რომ მინისტრის რანგში აღარაა და ევროპაში ისე არ მიიღებენ და აქ ისე არ გადაადგილდება, როგორც მინისტრი. ამიტომ მის ემოციებს გავუგებ“, - განაცხადა საგანელიძემ.