სახელმწიფო აუდიტის სამსახურის გენერალურმა აუდიტმა, ლაშა თორდიამ განაცხადა, რომ აუდიტის სამსახურის სამუშაოები თავდაცვის სამინისტროსთან მიმართებით პოლიტიკურ დევნას არ უკავშირდება:

„ჩემი და ჩემი უწყების ინტერესში ნამდვილად არ შედის, რომ რაიმე ტიპის პოლიტიკურ პროცესში მივიღოთ მონაწილეობა, ჩვენ 2013 წლის ივლისიდან შესულები ვართ თავდაცვის სამინისტროში, შესულები ვართ, მათ შორის თავდაცვის სამინისტროს სამხედრო პოლიციის მოთხოვნის შესაბამისად. თავად ალასანია ითხოვდა შესვლას, ასევე პარლამენტშიც იყო შეკითხვები თუ როდის შევიდოდით, ამიტომ თუ ახლა საუბარია ჩვენი მისამართით, რომ რაიმე ტიპის საქმეს ვკერავთ, მაშინ გამოდის, რომ წელიწადი და ოთხი თვეა ამ საქმეს ვკერავთ. ეს საკითხები არ უკავშირდება არც ე.წ. კაბელების საქმეს, ჩვენი მასალები უკავშირდება სხვა თემებს“, - განაცხადა ლაშა თორდიამ.