მამა ილია ვაშაკიძე საპატრიარქოში აუდიტორის შესვლას ითხოვს. ამის შესახებ ის სოციალურ ქსელში პირად გვერდზე წერს.

„ხშირ შემთხვევაში ქართველებმა არც ვიცით აუდიტის ჭეშმარიტი მნიშვნელობა. ყველა კეთილსინდისიერი ბიზნესმენისთვის აუდიტი ბიზნესის დამცველი და მისი პირადი ქონებისა და ფინანსების "ადვოკატია". მე ასე მესმის, ყოველ შემთხვევაში. კეთილსინდისიერი ადამიანისთვის აუდიტი მისადმი კეთილგანწყობილი პიროვნებაა. ბიუჯეტის მფლანგველისა და მაქინატორისთვის აუდიტი მისი მამხილებელია. ასე რომ, მე მომხრე ვარ საპატრიარქოში პროფესიონალმა აუდიტმა აწარმოოს შესაბამისი კვლევა. რამდენად გაუხარდება ეს საპატრიარქოს, ამას მომავალი გვიჩვენებს. აუდიტი არ არის რევიზია და არავის დაჭერასა და ქვებით ჩაქოლვას არ ვაპირებთ. ესეც ლუსტრაციის ერთ-ერთი პუნქტი იქნება. ღმერთმა დაგლოცოთ. მომიხსენიეთ ლოცვებში“, - წერს ვაშაკიძე.