„თავისუფალი დემოკრატების“ ერთ-ერთი ლიდერი ალექსი პეტრიაშვილი თავდაცვის სამინისტროში დანაშაულის აღმოჩენის ახალი ნიშნების შესახებ აუდიტის სამსახურის ინფორმაციას ეხმაურება.

„ისეთი მოწადინებულები არიან, რომ რამე მაინც იპივონ თავდაცვის უწყებაში "ლონდონ-ბომბეის გვირაბისეული", არ გაგიკვირდეთ, ცოტა ხანში რუსეთის ყოფილი პირველი სანიტრის გენადი ონიშჩენკოს ხელმოწერილი დასკვნაც ააფრიალონ, ირაკლი ალასანია საკუთარ ჯარს პურგენით გაჟღენთილ ჰაერს ასუნთქებდა და წყალში საკუთარი ხელით სენადეს აბებსა ჰხსნიდაო“, - წერს პეტრიაშვილი.

აუდიტის სამსახურის ინფორმაციით, თავდაცვის სამინისტროში განხორციელებული შემოწმების მასალები პარლამენტში რამდენიმე დღეში გადაიგზავნება. როგორც ცნობილია, აუდიტის სამსახურის მასალები არ შეეხება ე.წ. კაბელებისა და სამხედროების კვებასთან დაკავშირებულ საქმეებს.

"ჩვენ გვაქვს მასალები, რომლებიც უკავშირდება სხვა ტიპის შესყიდვებს, რაზეც ინფორმაციას მივაწვდით ნდობის ჯგუფს," - აღნიშნა სახელმწიფო აუდიტის სამსახურის უფროსმა.