საქართველოს საგარეო საქმეთა მინისტრი თამარ ბერუჩაშვილი, ამერიკის შეერთებული შტატების ელჩს საქართველოში, რიჩარდ ნორლანდს შეხვდა. შეხვედრის შემდეგ ჟურნალისტებთან საუბრისას ბერუჩაშვილმა განაცხადა, რომ რიჩარდ ნორლანდმა კიდევ ერთხელ დაადასტურა მჭიდრო თანამშრომლობის მზაობა:

"ამერიკის შეერთებული შტატების ელჩთან, ეს არ იყო გაცნობითი შეხვედრა, რადგან მასთან ძალიან ხანგრძლივი, ინტენსიური თანამშრომლობა მაკავშირებს. განვიხილეთ მთელი სპექტრი, დიდი ნუსხა იმ პრიორიტეტული საკითხების, რომელზეც უნდა ვიმუშავოთ მომავალი კვირების და თვეების განმავლობაში. ელჩმა კიდევ ერთხელ დაადასტურა მზაობა, იყოს ძალიან აქტიური პარტნიორი, იყოს მაქსიმალურად ჩართული. ჩვენ უაღრესად ვაფასებთ რჩევებს და მხარდაჭერას ჩვენი ამერიკელი მეგობრებისგან", - განაცხადა ბერუჩაშვილმა.