საქალაქო სასამართლოში, ჯარისკაცების მოწამვლის საქმეზე, თავდაცვის სამინისტროს მაღალჩინოსნების და კვების კომპანიის თანამშრომლების აღკვეთის ღონისძიების შეფარდების საკითხზე იმსჯელებენ. პროცესი 12:00 საათზეა ჩანიშნული.

პროკურატურა ბრალდებულებისთვის აღკვეთის ღონისძიების სახით გირაოს შეფარდებას ითხოვს.

პროკურატურა სავარაუდოდ აღკვეთის ღონისძიებად გირაოს შეფარდებას მოითხოვს.

შეგახსენებთ, აღნიშნულ საქმეზე პროკურატურამ ბრალი წარუდგინა საქართველოს თავდაცვის სამინისტროს გენერალური შტაბის სამედიცინო დეპარტამენტის უფროსს მედეა ბეთაშვილს, საქართველოს შეიარაღებული ძალების მესამე ქვეითი ბრიგადის მთავარ ექიმს მიხეილ ბესტაევს, მეოთხე ქვეითი ბრიგადის სამედიცინო სამსახურის უფროსს ოთარ ჯეჯეიას და შპს "ქართული კვების კომპანიის" მენეჯერებს: აკაკი გიორგაძეს, ლაშა გელოვანს და თორნიკე ხუბუას.

გამოძიება გრძელდება საქართველოს სისხლის სამართლის კოდექსის 2201-ე მუხლის პირველი ნაწილით და 342-ე მუხლის პირველი ნაწილით, რაც სასჯელის სახედ და ზომად ითვალისწინებს თავისუფლების აღკვეთას სამ წლამდე ვადით.