ევროსაბჭო რუსეთსა და აფხაზეთს შორის ხელშეკრულების შესაძლო გაფორმებასთან დაკავშირებით შეშფოთებას გამოთქვამს. ამის შესახებ საუბარია ევროსაბჭოს მინისტრთა მოადგილეების მიერ ევროკავშირის სახელით გაკეთებულ განცხადებაში, რომელიც საქართველოს საგარეო საქმეთა სამინისტრომ გაავრცელა.

განცხადებაში ასევე აღნიშნულია, რომ რუსეთის ნაბიჯი არღვევს საქართველოს სუვერენიტეტსა და საერთაშორისო კანონმდებლობას და მან შესაძლოა ძირი გამოუთხაროს სტაბილურობას რეგიონში.

ევროკავშირი რუსეთს მოუწოდებს, საერთაშორისო ვალდებულებები შეასრულოს და ევროკავშირის სადამკვირებლო მისიის შესვლა საქართველოს ოკუპირებულ რეგიონებში უზრუნველყოს.

საქართველოს საგარეო უწყების ინფორმაციით, სხდომაზე განხილული იყო ევროპის საბჭოს გენერალური მდივნის მეათე ანგარიშიც.