Forbes Georgia-ს რედაქცია სოციალურ ქსელში განცხადებას ავრცელებს. როგორც განცხადებაშია ნათქვამი, მათ იუსტიციის სამინისტროს აპარატიდან დაურეკეს და მინისტრის, თეა წულუკიანის „მითითება“ გადასცეს, აღარ გაუგზავნონ ჟურნალი, რომელიც აქამდე სამინისტროს ყოველთვიურად ეგზავნებოდა.

Forbes Georgia აღნიშნავს, რომ თანამშრომლის კითხვას – ბოლო ნომრის ყდა ხომ არ გახდა ამის მიზეზი? - მინისტრის თანაშემწემ, ნონა მეტრეველმა უპასუხა - "არა მარტო“. მეტრეველის თქმითვე, - "ეს პირველი შემთხვევაა, როდესაც მინისტრი უარს ამბობს რომელიმე ბეჭდური გამოცემის მიღებაზე".

შეგახსენებთ, რომ Forbes Georgia-ს ბოლო, ნოემბრის, ნომრის ყდაზე, ექსპრეზიდენტი, მიხეილ სააკაშვილია გამოსახული.