საბავშვო ბაღებში "ნაციონალურ მოძრაობას" ოფისები ჰქონდა მოწყობილი. ამის შესახებ თბილისის მერმა დავით ნარმანიამ განაცხადა. მისი თქმით, სკოლამდელი აღზრდის დაწესებულებებში მდგომარეობა გაცილებით გაუმჯობესებულია.

„2 თვეში მოვახერხეთ ის, რომ დამატებით 3 ათასამდე ბავშვის ადგილი გავაჩინეთ და ვაწესრიგებთ ამას საბავშვო ბაღებში და მომავალ წელს მინიმუმ 4 ათასი ბავშვისთვის მოწესრიგდება ადგილები. "ნაციონალური მოძრაობის" ოფისებისთვის გადაცემული საბავშვო ბაღები, ეს არის ძალიან მწარე რეალობა, როცა ჩვენი შვილების მომავალზე თქვეს უარი და იქ ერთი ვიწრო პარტიული ინტერესის გათვალისწინებით პოლიტიკური პარტია შეიყვანეს“, - განაცხადა დავით ნარმანიამ.