უმრავლესობის წევრი ეკა ბესელია „ნაციონალური მოძრაობის“ წევრების მიერ ოკუპაციასთან დაკავშირებულ განცხადებებს ეხმაურება. ბესელიამ უმცირესობას 2008 წლის აგვისტოს ომი შეახსენა და აღნიშნა, რომ ამაზე პასუხისმგებლობა სწორედ ყოფილ ხელისუფლებას ეკისრება.

„გვახსოვს ის მიცვალებულები 2008 წელს და სირცხვილიც, რომელსაც ვერასოდეს ჩამოვირეცხავდით, რომ არა საქართველოს პატრიარქი. ბევრი რამ გვახსოვს, მაგრამ არა თქვენი წუხილი იმ ვითარებაზე, რომელიც ახლა არის შექმნილი საქართველოში. გვახსოვს ისიც , ვინ რას აკეთებდა იმ დღეებში. გვერჩივნა ყველა თქვენგანს აეღო ის პასუხისმგებლობა, რომელიც მაშინ გქონდათ. თუ რამე საქებრად და თავმოსაწონად მოგაქვთ, ყველაფერი ის დაკავშირებულია იმ ადამიანთან, რომელსაც ასე ხშირად ახსენებთ და რომელიც ივანიშვილს უკავშირდება, რომელსაც ხშირად ტალახსაც ესვით, მაგრამ ის ივანიშვილს არ ხვდება, ისევ თქვენ გიბრუნდებათ. და ბოლოს "არა ანექსიას", ოკუპაციას და არა "ნაციონალურ მოძრაობას", - განაცხადა ეკა ბესელიამ.