„ეს პირველი შემთხვევა არ არის, როდესაც თვითმფრინავში ჩასმული კანონიერი ქურდი აორთქლდა. მე მჯერა უკრაინის ოფიციალური განცხადების და არ მჯერა ჩვენი მატყუარა მთავრობის", აცხადებს საპარლამენტო უმცირესობის წევრი, ირმა ნადირაშვილის.

ნადირაშვილი გავრცელებულ ინფორმაციას ე.წ.კანონიერ ქურდ ლავასოღლი ბატუმსკის საქარტველოში ყოფნას გამოეხმაურა, რაზეც შინაგან საქმეთა სამინისტროში ირწმუნებიან, რომ მსგავსი ფაქტი არ ფიქსირდება.

"ჩვენ სამწუხაროდ გვყავს მთავრობა, თბილისის არჩეული მერი, რომელიც თვლის, რომ შკრილნიკოვს და რუს ჯაშუშებს უნდა მისცეს შეღავათები თბილისის ტრასნპორტში, და გვყავს ვიცეპრემეირი, რომელიც ტრაპთან ხვდება კანონიერ ქურდებს და აცილებს. სანამ მთავარი ქურდი, ბიძინა ივანიშვილი ზის სოლოლაკში, ცხადია, პრობლემას ვერ მოევლება, რადგან ჩვენ გვყავს ქურდული მენტალიტეტის მთავრობა მთლიანად" - განაცხადა ნადირაშვილმა.

შეგახსენებთ, რომ უკრაინელმა სამართალდამცველებმა ქართველი ე.წ. კანონიერი ქურდები მინდია გორაძე, ვარლამ კუხიანიძე(ვატია) და სერგო ღლონტი(გუგა), კიევის ერთ-ერთ რესტორანში ე.წ. კრიმინალური "სხოდკის" დროს, ოქტომბრის ბოლოს დააკავეს. ლავასოღლი ბატუმსკი, იგივე მინდია გორაძე კი უკრაინელმა სამართალდამცველებმა საქართველოში გამოაძევეს. 32 წლის გორაძეს უკრაინაში დაბრუნება 3 წლით ეკრძალება.