„თუ ვინმეს ვჭამდით და სისხლს ვსვამდით, "ნაციონალური მოძრაობიდან" საპარლამენტო უმრავლესობაში გადასულ ხალხთან ერთად ვჭამდით და ვსვამდით", - ამის შესახებ უმცირესობის წევრმა აკაკი ბობოხიძემ პლენარულ სხდომაზე განაცხადა.

„თქვენ თუ ფორმალურად ამდენ ხანს მხარს გიჭერდათ "ნაციონალური მოძრაობიდან" გამოყოფილი ადამიანები, ის ადამიანები, რომლებიც როგორც თქვენ გიყვართ თქმა, იმ 9 წელიწადში ხალხს ვჭამდით, სისხლს ვსვამდით, ჩვენ თუ ვინმეს ვჭამდით და ვინმეს სისხლს ვსვამდით, ამ ხალხთან ერთად ვჭამდით და ვსვამდით, ბატონებო, და 2012 წლის შემდეგ ერთი წვეთი სისხლი არ დამილევია, ერთი კაცი არ შემიჭამია, ხოლო 2012 წლამდე ერთად ვიყავით. თქვენ იმაზეც კი წახვედით, რომ "ნაციონალური მოძრაობის" ყოფილ წევრებთან ერთად გადაირჩინეთ უმრავლესობა და როდესაც აწი, 9 წელიწადზე გექნებათ ლაპარაკი, გვერდით უმრავლესობაში გადახედეთ ხოლმე თქვენ კოლეგებს", - განაცხადა ბობოხიძემ.