საპარლამენტო უმცირესობა პრეზიდენტის პარლამენტში გამოსვლის დღეს პოლიტიკური დებატების გამართვასაც ითხოვს. აღნიშნული მოთხოვნა „ნაციონალური მოძრაობის“ წევრებმა გიორგი ბარამიძემ და გიგი წერეთელმა დააყენეს.

მათ საპარლამენტო უმრავლესობა არ ეთანხმება.

„როდესაც ჩვენ ამაზე ვმსჯელობდით, თქვენ არ მობრძანდით, თუმცა თქვენ არ დადიხართ. შემდეგ ბიუროს ჩავატარებთ "ნაციონალური მოძრაობის" ოფისში, გნებავთ და იქ მოხვალთ? პრეზიდენტს კონსტიტუციური უფლება აქვს, როდესაც საჭიროდ ჩათვლის მიმართოს პარლამენტს და არა ანგარიში ჩააბაროს მას. მოვუსმინოთ, გავიგოთ რას გვეტყვის და მერე ვაგრძელებთ ცხოვრებას", - განაცხადა უსუფაშვილმა.

როგორც ცნობილია, პარასკევს დაგეგმილ პლენარულ სხდომაზე პრეზიდენტი პარლამენტს მიმართვას, ამავე დღეს ბიუჯეტის პროექტის განხილვა მოხდება.