„ალასანია და მე პერსონალური მეგობრები არასოდეს ვყოფილვართ.“- აღნიშნავს გაზეთ „ვერსიასთან“ ინტერვიუში „ნაციონალური მოძრაობის“ ერთ-ერთი ლიდერი გიგა ბოკერია „ჩემი ახლო და პერსონალური მეგობარი, დიდი ხნის წინ პრეზიდენტი გიორგი მარგველაშვილი იყო . ეს ყველასთვის ცნობილია, მაგრამ ბატონ ირაკლისთან არასდროს ვმეგობრობდი, თუმცა ამას დამამცირებელი ტონით არ ვამბობ. ჩვენ პარტნიორები კი არა , ოპონენტები ვართ. საერთოდ, ეს საკითხები მესამე და მეათე ხარისხოვნად მიმაჩნია. ალასანია ჩემთვის კონკურენტია, ერთ-ერთი პოლიტიკური ძალის ლიდერი, რომელიც ჯერჯერობით , ივანიშვილის გავლენიდან ისევ არ გამოსულა. მე და ბატონი გიორგი დიდი ხანია აღარ ვმეგობრობთ და ამის მიზეზები ჩვენს შორის დარჩება. ეს კოალიციაში და ნინო ბურჯანაძესთან მისვლამდე ბევრად ადრე იყო.“

ჟურნალისტის კითხვაზე „ალასანიას მეგობრობა გბრალდებოდათ- მოხსნეს, მარგველაშვილთან მეგობრობდით , ავიწროებენ. კიდევ ვისთან მეგობრობთ კოალიციაში?“ ბოკერია პასუხობს „ბიძინა ივანიშვილია ჩემი დიდი ხნის მეგობარი...ვხუმრობ,ცხადია. ვფიქრობ, აქ საქმე პერსონებში არ უნდა იყოს."

წყარო გაზეთი "ვერსია"